13.5.2010

staða forsetaembættisins meðal annarra umfjöllunarefna

Út er komið vorhefti Skírnis, tímarits Hins íslenska bókmenntafélags. Tímaritið vill leggja sitt til umræðunnar sem hafin er á Íslandi um lærdóma af bankahruninu og breytingar á stjórnskipan og stjórnarskrá, á málefnalegan og fræðilegan hátt eftir því sem kostur er. Þannig eru í þessu hefti tvær greinar sem tengjast hugmyndum um stjórnarskrá og hlutverk forsettaembættisins, skrifaðar frá ólíkum sjónarhornum.
Meira

4.11.2009

Hausthefti Skírnis kemur út í dag

Hófst landnám Ísland tveimur öldum fyrr en ætlað hefur verið, það er árið 670? Þessari spurningu varpar Páll Theodórsson fram í hausthefti Skírnis. Þar andmælir hann þeim sagnfræðingum og fornleifafræðingum sem vefengt hafa niðurstöður aldursgreininga með svonefndri kolefni-14 aðferð, og telur engin efni til þess að hafna þeim greiningum. Er óhætt að búast við fjörugri umræðu um grein Páls.

23.5.2009

margir nýir kaupendur bætast í hópinn

Vorhefti Skírnis hefur vakið mikla athygli og umræður, bæði í netheimum og blöðum. Það er ekki síst grein Más Guðmundssonar um alþjóðlega fjármálahrunið sem vakið hefur athygli, en margar aðrar greinar eru líka nefndar til sögunnar. Hafa margir keypt heftið eða gerst áskrifendur af þessu tilefni.
Meira

12.5.2009

Alþjóðlega fjármálakreppan til umfjöllunar

Hverjar eru rætur fjármálakreppunnar í heiminum? Hvernig bregst alþjóðasamfélagið við? Um það fjallar Már Guðmundsson, aðstoðarframkvæmdastjóri hjá Alþjóðagreiðslubankanum í Basel, í fróðlegri grein í vorhefti Skírnis, 183. árgangs, sem kemur út í dag.
Meira